Category: Uncategorized

Ընտանի կենդանիների օգտակար ազդեցությունը

Ընտանի կենդանիները մեր փոքրիկ ընկերներն են, որոնք ի զորու են գունավորել մեր ամենամռայլ օրը, վերացնել մեր բացասական, դեպրեսիվ մտքերը և կրկին ստիպել մեզ ժպտալ այն ժամանակ, երբ դա անհնար է թվում: Այո’, ընտանի կենդանի պահելը պատասխանատվություն է, բայց հաճելի, և որ ավելի կարևոր է օգտակար: Գիտական փաստերով վաղուց հաստատված է, որ ընտանի կենդանիների հետ ապրելը շատ օգտակար է մարդկանց` թե’ հոգեբանական, թե’ ֆիզիկական առողջության համար։ Իսկ ո՞րն է այդ օգտակար ազդեցությունը:

Սթրեսի և անհանգստության մակարդակի նվազեցումը

Կենդանիների հետ շփումը բարձրացնում է օքսիտոցին հորմոնի մակարդակը, որն իր հերթին նվազեցնում է սթրես առաջացնող հորմոնի՝ կորտիզոնի մակարդակը։ Ուստի, հիմա, սթրեսը հաղթահարելու համար բժիշկները նույնիսկ խորհուրդ են տալիս ձեռք բերել ընտանի կենդանի։ Կենդանիների հետ շփումը հատկապես օգտակար է նորածինների համար: Կենդանիներ ունեցող ընտանիքներում ապրող փոքր երեխաները զգալիորեն ավելի քիչ են ունենում սթրես, անհանգստություն և սոցիալական խնդիրներ: Ընտանի կենդանիների հետ երեխայի շփումը գրեթե վերացնում է հասուն տարիքում մտավոր, հուզական և վարքային խանգարումների զարգացման հավանականությունը:

Սիրտ – անոթային համակարգի ամրապնդում և արյան ճնշման կայունացում։

Ըստ սրտաբանական ուսումնասիրությունների՝ ընտանի կենդանիների (հիմնականում կատուների և շների) տերերը զգալիորեն ավելի քիչ են հակված ճնշման տատանումներին և սիրտ- անոթային համակարգի հետ կապված խնդիրներին: Բացի ընտանի կենդանիների հետ շփման և շոյելու ընթացքում հանգստանալուց, զգալի դրական ազդեցություն են ունենում նաև այգիներում կամ այլ էկոլոգիապես մաքուր վայրերում կանոնավոր զբոսանքները: Գաղտնիք չէ, որ ընտանի կենդանի ունենալը մարդուն ստիպում է ավելի շատ շարժվել։ Սա վերաբերում է ոչ միայն զբոսանքին, այլ նաև կենդանիների հետևից մաքրելուն և լողացնելուն։ Այս առումով’ ամենաակտիվը, իհարկե, շների տերերն են, բայց կատուների հետ ակտիվ խաղերը պակաս օգտակար չեն։

Մարդու հիվանդությունների ախտորոշում:

Կենդանիների զարմանահրաշ հոտառության շնորհիվ հնարավոր է որոշել մարդու օրգանիզմի ամենաչնչին փոփոխությունները։ Կենդանիները, զգալով նման փոփոխությունները, կտրուկ փոխում են իրենց պահվածքը տերերի կողքին։ Ամենից հաճախ կենդանիները կարող են զգալ այնպիսի հիվանդություններ, ինչպիսիք են քաղցկեղը, նարկոլեպսիան, միգրենը, շաքարախտը և էպիլեպսիկ նոպաները: Հատկապես զգայուն են հիվանդությունների նկատմամբ շները, որոնք նույնացնում են դրանք բարձր ճշգրտությամբ։

Հիվանդության առաջացման ռիսկի նվազեցում:

Ապացուցված է, որ ընտանի կենդանիներ պահելը բարելավում է իմունիտետը, հետևաբար՝ զգալիորեն նվազում է ալերգիկ հիվանդությունների և սրտային հիվանդությունների առաջացման վտանգը։ Բացի դրանից Կալիֆորնիայի և Սթենֆորդի համալսարանների գիտնականները պարզել են, որ մեր ընտանի կենդանիները պաշտպանում են մեր օրգանիզմը նաև քաղցկեղի որոշ տեսակներից: Երեխաները, որոնց ընտանիքներում առկա են ընտանի կենդանիներ, շատ ավելի քիչ են հակված ալերգիային, քանի որ փոքր հասակից նրանք ընտելանում են կենդանիների մազերին, թքին և այլն:

Կենդանիների բուժիչ ազդեցությունը մարդկանց վրա

Ցավը մեղմելու, տրամադրությունը բարելավելու և հիվանդություններից ձերբազատվելու համար ամբողջ աշխարհում տևական ժամանակ է կիրառում են այսպես կոչված զոոթերապիան։ Այն ներառում է հիպոթերապիա(շփում ձիերի հետ), հիրուդոթերապիա(բուժում տզրուկների միջոցով), ապիթերապիա (բուժում մեղվաբուծական պրոդուկտներով), դելֆինոթերապիա(շփում դելֆինների հետ) և փետթերապիա(բուժում ընտանի կենդանիների միջոցով): Ամենից հաճախ բուժման այս տարբերակները օգտագործվում է հիվանդանոցներում, ծերանոցներում և հոսպիսներում: Կենդանիների հետ շփումը թույլ է տալիս հիվանդներին շեղվել առկա խնդիրներից և ավելի արագ վերականգնվել հիվանդություններից հետո:

Սոցիալական կապերի ընդլայնում

Ընդհանուր շահերը մտերմացնում և միավորում են մարդկանց։ Ընտանի կենդանիների շնորհիվ մարդկանց համար շատ ավելի հեշտ է նոր զրույցի բռնվել, նոր ծանոթություններ հաստատել կամ շարունակել զրույցը։ Շատ հաճախ կենդանիների տերերը ծանոթանում են միմյանց հետ և սկսում են շփվել զբոսանքի ժամանակ, կենդանիների խանութներում կամ ինտերնետում: Չէ՞ որ նրանք միշտ քննարկելու ու խոսելու թեմա ունեն։ Այս կերպ, մեր «կրտսեր ընկերները» օգնում են մեզ ազատվել ամաչկոտությունից և հաղթահարել միայնությունը։

Դե ինչ, կարծում եմ եթե դեռևս ընտանի կենդանի չունեք, ապա միգուցե հիմա սկսեցիք մտածել այդ բացը լրացնելու մասին:

Ինչպես ընտրել շան կերեր

Շան առողջությունը սկսվում է ճիշտ սննդակարգից, որն էլ իր հերթին պահանջում է սննդի ճշգրիտ ընտրություն: Ճիշտ կատարել կերի ընտրությունը շատ կարևոր և միևնույն ժամանակ բավականին բարդ խնդիր է շան տիրոջ համար: Այս տեղեկատվությամբ` մենք կփորձենք հնորավորինս ձեզ ինֆորմացնել և օգնել հաջողությամբ հաղթահարել տվյալ խնդիրը:

Շների համար նախատեսված կերերը կարելի է դասակարգել՝

1. Ըստ կոնսիստենցիայի(չոր, պահածոյացված և կիսաչոր)
2. Շան տարիքի(Starter(Ձագուկ)՝ 2 շաբաթականից մինչև 2 ամսեկան, Junior(պատանի)՝ 2-12 ամսեկան, Adult(հասուն)՝ 1-8 տարեկան) և Senior(8 տարեկանից բարձր)
3. Ցեղատեսակի չափսի՝ Mini(փոքր չափսեր ունեցող ցեղատեսեկների շներ), Medium(միջին չափսեր ունեցող ցեղատեսեկների շներ), Maxi(մեծ չափսեր ունեցող ցեղատեսեկների շներ), Giant(ամենամեծ չափսեր ունեցող ցեղատեսեկների շներ)
4. Կոնկրետ շան ապրելակերպի՝ Activ կամ Energi(ակտիվ ապրելակերպ վարող շների համար), Normal կամ Standart(միջին ակտիվ ապրելակերպ վարող շների համար) և Light(այն շների համար, որոնք կորցրել են իրենց նախկին ակտիվությունը և հակված են գիրության)։

Առանձին նշենք նաև բուժիչ կերերը, որոնք նախատեսված են տարատեսակ առողջական խնդիրներ ունեցող շների համար և հղի շների համար նախատեսված հատուկ կերերը:

Չոր կերեր: Չոր կերերում օգտակար նյութերը հատուկ հաշվարկված և  խտացված են։ Այս կերերը պատրաստվում են 150°C ջերմաստիճանում, ինչը բարելավում է բաղադրիչների մարսումը:

Չոր կերերը բաժանվում են չորս դասի՝

1. Էկոնոմ – Այս կերերը պարունակում են քիչ քանակությամբ բնական բաղադրիչներ, մեծ է սոյայի և հացահատիկային պրոդուկտների առկայությունը: Առկա են նաև տարատեսակ համային հավելումներ: Այս դասի միակ առավելությունը մատչելի գինն է։
2. Պրեմիում – Այս դասի կերերը արդեն պարունակում են միս/ձուկ, բրինձ և բանջարեղեն (օրինակ՝ ճակնդեղ կամ կարտոֆիլ): Առկա են նաև ենթամթերքներ, բայց որակյալ:
3. Սուպեր պրեմիում – Տվյալ դասի կերերը հանդիսանում են բնական և հավասարակշռված պրոդուկտ, քանի որ պարունակում են միայն բնական միս և նվազագույն քանակի հացահատիկային պրոդուկտներ, իսկ համային հավելումներ չկան:
4. Խոլիստիկ – Տվյալ դասի կերերի բաղադրիչները ենթարկվում են որակի խիստ հսկողության: Այստեղ չկան կոնսերվանտներ կամ համային հավելումներ:

Պահածոյացված կերեր: Այս կերերի որոշ տեսակներ ունեն տհաճ հոտ, սակայն շատ դեպքերում շները հավանում են հենց պահածոյացված կերերի և’ հոտը և’ համը։ Լավագույն սնունդ գնելու համար նայեք պիտակին: Փնտրեք կեր, որտեղ որպես հիմնական բաղադրիչ նշված կլինեն միսը, ձկնամթերքը կամ թռչնամիսը: Անորակ պահածոների մեջ բաղադրության ավելի քան 80%-ը ջուրն է։ Պահածոյացված բարձրորակ կերերը պարունակում են ամբողջական բանջարեղեն, ոչ թե բրնձի թեփ, բրնձի ալյուր կամ գարեջրի եփման համար նախատեսված բրինձ:

Կիսաչոր կերեր: Այս կերերը պարունակում են տարատեսակ օգտակար(պրոպիլեն գլիկոլ՝ սնկերի և բակտերիաների առաջացումը կանխելու համար, ձուկ և կենդանական հյուսվածք) և ոչ այնքան(շաքարավազ, ջրի մեծ քանակություն) բաղադրիչներ:

Եվ այսպես մենք դասակարգեցինք բոլոր կերերը և հասկացանք ինչես կարող եք ընտրել կեր հենց ձեր շան համար: Վերջում մի քանի խորհուրդ, թե ինչին արժի ուշադրություն դարձնել կեր գնելիս և ինչից հեռու պահել ձեր շանը:

1. Պարտադիր ճշտեք կերի բաղադրությունը: Յուրաքանչյուր կերի բաղադրության ցուցակում բաղադրիչները գրվում են ըստ իրենց պարունակության ծավալի։ Առաջին տեղը զբաղեցնում է բաղադրիչը, որի պարունակությունը ամենաշատն է, նրան հաջորդում են երկրորդային բաղադրիչները, որոնց տեսակարար կշիռը դեպի ցուցակի վերջը զգալիորեն նվազում է։ Լավ կլինի, եթե առաջին բաղադրիչները լինեն հավի, հնդկահավի կամ տավարի մսի: Բաղադրության մեջ նաև պիտի լինեն սպիտակուցներ, ածխաջրեր, կեդնդանական ծագում ունեցող ճարպեր, որոշ տեսակի հացահատիկային մթերքներ (շականակագույն կամ սպիտակ բրինձ, գարի):
2. Բնական կոնսերվանտներն են վիտամին E-ն և C-ն, ինչպես նաև յուղերն ու բուսական էքստրակտներ, օրինակ խնկունու: Աշխատեք խուսափել այլ կոնսերվանտներ պարունակող կերեր գնելուց:
3. Եթե շունը տառապում է ալերգիայից, ընտրեք գառան, բիզոնի մսով կամ սաղմոնով կերեր։
4. Մի տվեք ձեր շանը խաղող կամ չամիչ(կենդանիների մոտ առաջացնում են սուր երիկամային անբավարարություն), շոկոլադ(կարող է առաջացնել մի շարք առողջական խնդիրներ, սրտանոթային համակարգի բնականոն աշխատանքի խախտում, սրտի կաթված), սոխ և սխտոր(շների մոտ առաջացնում է հեմոլիտիկ անեմիա՝ բավականին ծանր, բայց ժամանակավոր հիվանդություն) և եգիպտացորենի ձողիկներ(կարող է վնասել շան աղիքները):
5. Միշտ հիշեք, դուք եք ձեր շան լավագույն ընկերն ու բարեկամն եք և պատասխանատու եք նրա համար, քանի որ նա անմնացորդ սիրում և հավատարիմ են ձեզ:

Եթե խոսենք ընտանի կենդանիների ատամների խնամքի կարևորության և իհարկե այն ճիշտ կազմակերպելու մասին։ Կենդանիների ինքնազգացողությունը անմիջականօրեն կապված է ատամների և բերանի խոռոչի վիճակից, ինչպես մարդկանց մոտ։ Ատամնացավը և վնասված լնդերը կարող են հանգեցնել նրան, որ կենդանին հրաժարվի սննդից, իսկ այտուցվածությունն էլ ավելի վտանգավոր հիվանդությունների պատճառ կարող է հանդիսանալ։

Իսկ Դուք գիտեի՞ք, որ ատամների առողջությունը ընտանի կենդանիների մոտ կախված է ոչ միայն հիգիենայից այլև գեներից, ցեղատեսակների առանձնահատկություններից, սննդից և այլն։

Օրինակ փոքր շունիկներն ավելի հաճախ են ունենում խնդիրներ ատամների հետ, որոշներն արդեն 7 տարեկան հասակում կարող են զրկվել ատամներից և անցնել միմիայն թաց կերերի։

Ահա մի քանի խորհուրդ մասնագետներից՝

Կերակրեք Ձեր շներին և կատուներին չոր կերերով, քանի որ այն օգնում է մաքրել ատամներն ատամնափառից։ Չոր կերի մնացորդները բերանի խոռոչում քիչ են մնում, այսինքն մանրէներն էլ չեն բազմանում։

Չոր կեր ընտրելիս ուշադրություն դարձրեք, որ այն նախատեսված լինի Ձեր շան կամ կատվի տարիքին ու չափերին

Եթե ձեր կենդանիները սիրում են խաղալ և կրծոտել ռետինե խաղալիքներ, ոսկորիկներ, ձողիկներ, ապա ատամնափառի առաջացումը կնվազի։

Ձեզանից պահանջվում է միայն ժամանակին ձեռք բերել նոր անուշեղեն կամ խաղալիք

Իսկ եթե Ձեր կենդանիներին այնքան էլ չեն հետաքրքրում խաղալիքներն ու անուշեղենները, ապա առանց ատամի խոզանակի և մածուկի հարցը չի լուծվի։ Ատամնափառը կարող է վերածվել ատամնաքարի, ինչն էլ կայտուցի լնդերը։

Ատամները կարելի է լվանալ ամեն օր, նվազագույնը շաբաթական 2-3 անգամ

Տարեկան 1-2 անգամ մասնագետը պետք է զննի ատամները։ Որպեսզի զննումը չվերածվի պատերազմի,ինչը սակայն անխուսափելի է փիսոների դեպքում, հարկավոր է շաբաթվա ընթացքում շունիկների ատամներն ինքնուրույն զննել՝ տալով հրաման «ցույց տուր ատամներդ»։

Վերջում չմոռանաք խրախուսել նրան՝ ալով նրա սիրած անուշեղենից

Ձեր ընտանի կենդանիների հետ զբոսնելիս շատ կարևոր է չմոռանալ վզկապների կարևորության մասին՝ լինեն շներ, թե կատուներ։ Չէ՞ որ վերջններս նույնպես արկածների մեծ սիրահարներ են։ Ձեր չորքոտանի բարեկամների անվտանգության համար առաջարկում ենք վզկապների այս հրաշք տարբերակը😻👇
❗Վզկապները պատրաստված են բարձրակարգ նեյլոնից, ինչն ապահովում է վզկապի դիմացկունությունը
👀 Հագցվում է շատ հեշտ և արագ
🐈 Հիանալի տարբերակ է Ձեր սիրելիի հետ զբոսանքի գնալիս
💯 Այս հարմարավետ և անվտանգ աքսեսուարը կդառնա Ձեր անբաժան ընկերը
🌶 Շտապե՛ք ձեռք բերել այն մեր օնլայն խանութից։ Չմոռանաք, որ առաքումը Երևանում անվճար է❗❗❗
Ошейники на улице одинаково важны как
собакам так и кошкам, так как кошечки у нас те ещё озорницы. Для безопасности Вашего питомца предлагаем прекрасный вариант ошейника😻👇
❗Օшейник изготовлен из высококачественного нейлона.
👀 Легко и быстро надевается.
🐈 Отлично подойдет для прогулок с Вашим любимцем.
💯 Станет удобным и безопасным аксессуаром, который всегда под рукой
🌶 Приобретайте у нас, доставка по Еревану бесплатная!❗❗❗
💰Цена : 1800 Драм
☎️ +37441110105

Սիրելի ընկերներ, կորոնավիրուսի պատճառով ստեղծված պայմաններում հարկ է հոգ տանել ո՛չ միայն մեր, այլև մեր հավատարիմ ու սիրելի ընտանի կենդանիների մասին։ Մնացե՛ք տանը, մենք կառաքենք։ Մեզ մոտ առկա է կերերի, աքսեսուարների և վիտամինների լայն ընտրանի, իսկ առաքումը Երևանի ողջ տարածքում ԱՆՎՃԱՐ է։